उपमहानगरवासीको उपचारका क्रममा आवश्यक पर्ने रगत र रगतजन्य पदार्थ सहज र निःशुल्क उपलब्धत गराउन आज धनगढी उपमहानगरपालिका र रेडक्रस शाखा धनगढीसँग सम्झौता गरिएको छ । चालु आर्थिक वर्षका लागि उपमहानगर र रेडक्रस शाखा धनगढीले निःशुल्क रगत पाउने सम्झौता गरिएको हो।
धनगढी उपमहानगरपालिकाका मेयर गोपाल हमाल र रेडक्रस कैलालीका सभापती बासुदेव बिनाडीले निशुल्क रगत पाउने सम्झौता गरेका छन ।
सम्झौताअनुसार धनगढी उपमहानगरभित्र स्थायी बसोबास भएका बिरामीले चिकित्सकको सिफारिसमा रक्तसञ्चार केन्द्रबाट निःशुल्क रगत पाउने छन्।
नगरवासीले प्रयोग गरेको रगतको मूल्य रेडक्रसलाई उपमहानगरपालिकाले त्रैमासिक रुपमा रकम भुक्तानी गर्ने मेयर गोपाल हमालले बताए । बिरामीलाई रगत अभाव नहोस् भनेर उपमहानगरको विभिन्न स्थानमा रक्तदान शिविर समेत सञ्चालन गरिने मेयर हमालले बताए ।
