निर्वाचन आयोगले बाजुरामा मतगणना सुरु गर्न निर्देशन दिए पनि सुरु हुन सकेको छैन । सर्वदलीय बैठकमा एमाले अनुपस्थित हुँदा मत गणना सुरु नभएको हो ।
झडपका कारण रोकिएको मतगणना सुरु गर्न निर्वाचन आयोगले निर्देशन दिएपछि मुख्य निर्वाचन अधिकृतको कार्यालयले सर्वदलीय बैठक बोलाएको थियो ।
बैठकमा एमालेबाहेक सबै दलका प्रतिनिधिहरू सहभागी छन् । तर, एमालेका प्रतिनिधि नआएकाले मतगणना सुरु गर्ने सम्बन्धमा तत्काल निर्णय हुन नसकेको जनाएको छ ।
बुधबार साँझ बसेको बैठक आज बिहान ७ बजे पुनः बैठक राख्ने र एमालेलाई उपस्थितिका लागि फेरि आह्वान गरिएको थियो ।
