सुमेरु ग्रुप द्वारा ट्राफिक प्रहरी लाई १७ लाख बराबरको प्रथमिक उपचार ब्याग हस्तान्तरण

दिन रात नभनी धुवाँ, धुलो, घाम पानीको केही प्रवाह नगरी सडकमा बसी सर्वसधारणको सेवा गर्दै आइरहेका काठमाडौ लगायत अन्य स्थान मा खटिएका ट्राफिक प्रहरीलाई आवश्यक परेको खण्डमा आबश्यकता अनुसार को सहयोग उपलब्ध गराउने प्रतिबद्धता समेत जनाउनुभएको थियो । यतिमात्र नभई अध्यक्ष महर्जनले सुमेरु ग्रुपद्वारा संचालित सुमेरु सिटी अस्पताल, पुल्चोक, सुमेरु अस्पताल धापाखेलमा काठमाडौ ललितपुर तथा भक्तपुर मा खटिएका ट्राफिक प्रहरी लगायत नेपाल प्रहरी लाई कुनै पनि स्वास्थ्य समस्या परेको खण्डमा विशेष छुटसहित उपचार गरिदिनेसमेत जानकारी गराउनु भयो ।

त्यसैगरी, कार्यक्रमलाई संचालन गर्दै सुमेरु ग्रुपका प्रबन्ध निर्देशक हेमराज दाहालले जनताको सेवाका लागि प्रत्यक्षरुपमा सडकमा खटिएका ट्राफिक प्रहरीहरुको स्वास्थ्यलाई मध्यनजर गर्दै सानो सहयोगको रुपमा स्वीकार्न र यो सहयोग लाई अन्यथा नलिन समेत ट्राफिक प्रहरीहरुलाई आग्रह गर्दै ट्राफिक प्रहरीलाई यस्ता अन्य सहयोगको आवश्यकता परेको खण्डमा जुनसुकै समयमा पनि सहयोग गर्दै जाने प्रतिबद्धतासमेत जनाउनुभएको थियो ।यसैक्रम मा दाहल ले पछिल्लोपटक ललितपुरमा ट्राफिक प्रमुख भएर आएका इन्स्पेक्टर राजेश सिलवालले गरेको योगदानको कदर समेत गर्नुभएको थियो भने प्राथमिक ब्याग लगायत स्वास्थ्य सामाग्री वितरण कार्यक्रमको समन्यवको भूमिका निर्वाह गर्नुभएका इन्स्पेक्टर नरेश बहादुर शाहीको उच्च मूल्यांकन गर्दै आगामी दिन हरुमा सुमेरु ग्रुपको नाफाको केही प्रतिशत छुट्याई यस्ता सहयोगहरु निरन्तररुपमा गर्दै जाने बताउनुभएको थियो ।